Битола, 11 април 2025 (МИА) - Општина Битола ќе изврши обесштетување на земјоделците чии парцели се оштетени од снегот и ниските температури кои ја зафатија општината во периодот од 5 до 8 април годинава.

- Обесштетување ќе се врши доколку се предизвикани штети кај овошките и другите земјоделски култури, соопштија од Општина Битола.

Барања за надомест на штета со поднесување на имотен лист, доказ за сопственост и фотографии од претрпената штета ќе се примаат до 23 април, нагласија од локалната самоуправа. мт/мд/

Фото: МИА