МВР: При претрес во Велес пронајдена дрога, приведени се дилери
- Полициски службеници од Одделението за недозволена трговија со дрога и оружје при СВР Велес вчера околу 16.00 часот во Велес ги лишиле од слобода С.Т.(49), Л.Л.(37), Р.С.(32) и С.Л.(29), сите од истиот град, информираат од МВР.
![МВР: При претрес во Велес пронајдена дрога, приведени се дилери](https://new.mia.mk/images/20240611100802_big_730x400_86.webp )
Скопје, 11 јуни 2024 (МИА) - Полициски службеници од Одделението за недозволена трговија со дрога и оружје при СВР Велес вчера околу 16.00 часот во Велес ги лишиле од слобода С.Т.(49), Л.Л.(37), Р.С.(32) и С.Л.(29), сите од истиот град, информираат од МВР.
При претрес во домот на С.Т. и Л.Л., извршен со судска наредба и во соработка со Единицата за службени кучиња, во кој биле затекнати Р.С. и С.Л., кај С.Т. биле пронајдени и одземени бела прашкаста материја и една дигитална вага, додека кај Л.Л. биле пронајдени и одземени бела прашкаста материја, таблети екстази, две дигитални ваги и пиштол „Екол“.
За настанот бил известен јавен обвинител и по целосно документирање на случајот, против нив ќе бидат поднесени соодветни пријави. сст/са/
фото МИА архива