Русија на фронтот во Украина испратила околу 10.000 имигранти
- Русија испрати 10.000 свои натурализирани граѓани да се борат во нејзината војна во Украина, изјави денеска висок функционер.
![Русија на фронтот во Украина испратила околу 10.000 имигранти](https://new.mia.mk/images/20240627135510_big_730x400_62.webp )
Москва, 27 јуни 2024 (МИА) - Русија испрати 10.000 свои натурализирани граѓани да се борат во нејзината војна во Украина, изјави денеска висок функционер.
„Пронајдовме повеќе од 30.000 (имигранти) кои добија државјанство и не сакаа да се пријават за воена служба, а приближно 10.000 од нив испративме во зоната за специјални воени операции“, изјави шефот на руската истражна комисија Александар Бастрикин во Санкт Петербург.
Бастрикин студирал со рускиот претседател Владимир Путин и важи за близок соработник на шефот на Кремљ.
Примарната задача на пријавените е да копаат ровови и да градат одбранбени позиции, според Бастрикин.
- За тоа ви требаат навистина силни раце, рече тој. рп/
Фото: ЕПА