Рафиња ќе го пропушти дербито со Реал
- Фудбалерот на Барселона Рафиња се повреди на синоќешниот натпревар од 8. коло на шпанското првенство против Севиља (1:0). Дваесет и шестгодишниот Бразилец беше заменет во 37. минута од натпреварот.
![Рафиња ќе го пропушти дербито со Реал](https://new.mia.mk/images/20230930090115_big_730x400_25.webp )
Барселона, 30 септември 2023 (МИА) – Фудбалерот на Барселона Рафиња се повреди на синоќешниот натпревар од 8. коло на шпанското првенство против Севиља (1:0). Дваесет и шестгодишниот Бразилец поради болка во бутниот мускул беше заменет во 37. минута од натпреварот.
Според „Football Espana“, Рафиња ќе ги пропушти натпреварите против Порто и Гранада. Тој исто многу веројатно нема да игра против Реал Мадрид во Ел Класико на 28 октомври.
Попрецизна дијагноза и период на закрепнување ќе се знае денес по деталните прегледи.
Оваа сезона Рафиња настапи на седум натпревари во сите натпреварувања, на кои постигна два гола и три асистенции. зс/
Фото: ЕПА