Струмица, 29 март 2023 (МИА) - Заврши реконструкцијата на патот до црквата „Свети Илија“ во село Радичево во Општина Василево со што е решен еден од главните проблеми на жителите од ова населено место, кои долги години се соочуваа со лош пристап до црквата и гробиштата.

Како што информираа од Центарот за развој на Југоисточниот плански регион, станува збор за пат во должина од 327 метри и широк три метри.

-Поставени се околу 1.000 метри квадратни асфалт. Одводнувањето беше решено со риголи кои во иднина ќе го штитат асфалтот, како и околните површини од неконтролирано излевање на водата во случај на обилни врнежи, информираа од Центарот.

Овој зафат се реализира во рамки на проектот „Туризмот-иднината на регионот“ кој го имплементира Центарот за развој на Југоисточниот плански регион. Финансиски е поддржан од Бирото за регионален развој со 2.196.616 денари. рт/дма/

Фото: ЦРЈИПР