Лондон, 12 август 2024 (МИА) - Арсенал е заинтересиран за крилниот напаѓач на Баерн, Кингсли Коман, пренесува „Football Insider“.

„Топчиите“ ја разгледуваат можноста да го ангажираат 28-годишниот Французин, кого клубот од Минхен е подготвен да го продаде ова лето.

Покрај Арсенал, за фудбалерот конкурираат и Манчестер сити, ПСЖ и Барселона.

Кингсли Коман игра за Баерн од август 2015 година. Во сезоната 2023/24, напаѓачот постигна пет гола и направи три асистенции на 27 натпревари за тимот.

Порталот Транфермаркт ја проценува вредноста на играчот на 50 милиони евра. зс/

Фото: ЕПА