• петок, 12 април 2024

Јужна Кореја и САД започнаа годишни воени вежби поради заканите од Северна Кореја

Јужна Кореја и САД започнаа годишни воени вежби поради заканите од Северна Кореја

Сеул, 4 март 2024 (МИА) - Јужна Кореја и САД денеска почнаа големи заеднички воени вежби со цел да се подобри одвраќањето од севернокорејските нуклеарни и ракетни закани, поради загриженоста дека Пјонгјанг може да ги искористи маневрите како изговор за провокации, објави агенцијата Јонхап.

Годишната вежба „Штитот на слободата“ се очекува да трае 11 дена во услови на зголемени тензии поради континуираните демонстрации на сила од страна на Пјонгјанг, вклучително и артилериски оган долж неговата западна поморска граница и серија лансирања на проектили. Пролетните вежби се први откако Пјонгјанг во ноември стави крај на меѓукорејскиот воен договор од 2018 година, чија цел беше да се намалат тензиите на границата, што ги зголеми стравувањата дека Северот може да организира провокативни воени демонстрации.

Пјонгјанг долго време ги осудува воените вежби на сојузниците како проби за инвазија против него и има историја на спроведување ракетни лансирања во знак на протест против таквите вежби, иако Сеул и Вашингтон велат дека таквите вежби се чисто одбранбени по природа.

Војските на Јужна Кореја и САД рекоа дека вежбата има за цел да ги подобри нивните заеднички одбранбени способности, додавајќи дека ќе се фокусира на операции кои вклучуваат различни гранки на војската, користејќи копнени, морски, воздушни, кибер и вселенски средства. Ќе се разработат и контрамерки против можни нуклеарни дејства на Северна Кореја. паг/

Фото: МИА архива

 

 

Остани поврзан