Волфсбург, 27 ноември 2020 (МИА) - Најпродаваното електрично возило во Европа во октомври 2020 година е „Фолксваген ИД.3“, со испорачани 10.475 примероци. Компанијата Фолксваген, инаку, со десетлетија го имаше најпродаваниот конвенционален автомобил во Европа - моделот „Голф“, а сега, се чини, го презема водството и во областа на електромобилите. Европскиот пазар на автомобили забележа пад на продажбата од 7 отсто минатиот месец, но во истовреме, продажбата на електромобили (хибриди и целосно електрични возила) скокна за 153 насто во споредба со истиот месец лани. На овој начин, електрифицираните возила веќе ги надминуваат дизел-возилата во продажбата.