Келн, 14 октомври 2020 (МИА) - Голманот на Германија, Мануел Нојер смета дека натпреварот од Швајцарија во Лигата на нации (3:3) не само што бил лош, туку и повеќе од тоа. Голманот сепак е уверен дека Германците на крајот можат до првото место во групата. - Ако натпреварот заврши 3:3, тогаш не може да се нарече добар за голманите на двата тима. Сè започна лошо за нас, но на крајот ја презедовме контролата над играта, значително се подобривме. Денес имаше и нешто добро. Тоа е што освоивме бод, а Украина ја победи Шпанија. Ваквиот исход во 4. коло не остава во игра за првото место во групата, смета Ноер. Шпанија е прва во групата со седум бода, Украина и Германија имаат по шест, Швајцарија е последна со два бода. зс/