Ковачевски и членовите на Владата на прием кај Пендаровски
- Претседателот Стево Пендаровски денеска ќе ги прими премиерот Димитар Ковачевски и членовите на Владата.
![Ковачевски и членовите на Владата на прием кај Пендаровски](https://new.mia.mk/images/20221112030328_big_730x400_77.webp )
Скопје, 17 јануари 2022 (МИА) - Претседателот Стево Пендаровски денеска ќе ги прими премиерот Димитар Ковачевски и членовите на Владата.
Новоизбраниот претседател на Владата Димитар Ковачевски утрово ги презеде функцијата и кабинетот од досегашниот премиер Зоран Заев. Примопредавањето на премиерската функција се одржа во Владата.
Новата Влада предводена од Ковачевски беше избрана синоќа во Собранието со 62 гласа „за“, 46 „против“ и без воздржани.
Во експозето пред пратениците Ковачевски рече дека фокусот на владината програма е на граѓаните, економијата и на справување со последиците од пандемијата и енергетската криза. Тој посочи дека не се потребни нови избори, најавувајќи зголемување на пензиите и раст на минималната и просечната плата, како и реформи во образованието. Говорејќи за спорот со Бугарија, Ковачевски рече дека разговорите ќе продолжат и ќе бидат интензивирани без да биде загрозен идентитетот на народот.
Расправата за избор на новата влада во Парламентот траеше два дена.
Владата на Ковачевски брои 21 член - од СДСМ 11, ДУИ шест, Алтернатива тројца и еден министер од ЛДП.
Новиот владин кабинет има еден член повеќе од досегашниот и тоа министер без ресор, место што по формирањето на новото парламентрано мнозинство и припадна на Алтернатива. дма/са/
Новоизбраниот претседател на Владата Димитар Ковачевски утрово ги презеде функцијата и кабинетот од досегашниот премиер Зоран Заев. Примопредавањето на премиерската функција се одржа во Владата.
![](/articles/images/%d0%ba%d0%be%d0%b2%d0%b0%d1%87%d0%b5%d0%b2%d1%81%d0%ba%d0%b8-%d1%98%d0/gl4aFiKPr/placeholder.webp?use_watermark=0)
![](/articles/images/избрана-новата-влада-на-република-северна-македонија-Er0Y/Jq7ZktIRJ/placeholder.webp?use_watermark=0)