Дворови на пет училишта ќе бидат бесплатен паркинг
- Општина Тетово од вторник 18 јуни дворовите на пет училишта ќе ги пренамени како паркиралишта, а образложението е дека се прави со цел да се намали сообраќајниот метеж поради доаѓањето на иселеници и зголемувањето на бројот на возила. Паркирањето таму ќе биде бесплатно.
![Дворови на пет училишта ќе бидат бесплатен паркинг](https://new.mia.mk/images/20240614142033_big_730x400_44.webp )
Тетово,14 јуни 2024 (МИА) - Општина Тетово од вторник 18 јуни дворовите на пет училишта ќе ги пренамени како паркиралишта, а образложението е дека се прави со цел да се намали сообраќајниот метеж поради доаѓањето на иселеници и зголемувањето на бројот на возила. Паркирањето таму ќе биде бесплатно.
-Ова ќе го олесни сообраќајот во текот на летото кога нашите иселеници доаѓаат на одмор и имаме поголема посетеност. Исто така, сакаме да апелираме до возачите да ги почитуваат сообраќајните правила, да не ги блокираат постројките на јавниот превоз и да го користат градскиот автобус за да се намали аерозагадувањето и да не се предизвикува сообраќаен хаос, информираат од Општина Тетово.
Како паркинг места ќе служат дворовите на основните училишта „Истикбал“, „Лирија“, „Гоце Делчев“ како и двата објекта на Гимназијата „Кирил Пејчиновиќ“.ас/са/
Фото: МИА архива