Манчестер, 27 април 2021 (МИА) – Фудбалерот за врска на Манчестер сити, Илкај Гундоган, кој порасна во Германија во турско семејство, зборуваше за тешкотиите со самоопределувањето. - Имаше луѓе кои беа воодушевени од тоа колку добро зборувам германски. Јас одговорив: „Па, пораснав во Германија. Би било штета да не зборувам на овој јазик“. Имаше и обратни ситуации. Моите родители се Турци. Се сметам и за Турчин. Но, некои Турци велат: „О, дали си Турчин?“ Ова е многу лошо чувство. Јас сум дел од двете земји, но понекогаш се чини како да сум заглавен меѓу нив. Едни велат дека не сум целосно Германец, други велат дека не сум целосно Турчин. Кој сум јас тогаш? Најлошото беше кога требаше да одлучам дали ќе играм за Германија или за Турција. Сè уште бев тинејџер, па не знаев дали некогаш ќе станам голем играч. Не можев да замислам на каква реакција би довела мојата одлука. Особено во Турција, тие се прашуваат колку сум Турчин навистина. Фактот што играм за Германија не го негира фактот дека сум Турчин. Но, на некои луѓе им изгледа многу тешко да го разберат ова, напиша Гундоган во колумната за „The Players Tribune“. зс/