Во Берово реализирана тактичко-показна вежба „Евакуација и спасување на повредени и загрозени лица од пожар”
- Во Берово се одржа методско тактичко-показна вежба „Евакуација и спасување на повредени и загрозени лица од пожар”. Активноста во чии рамки беше симулиран пожар во деветолетката ,,Дедо Иљо Малешевски" се реализираше во рамките на програмските активности на ТППЕ Берово.
Берово, 27 октомври 2023 (МИА) - Во Берово се одржа методско тактичко-показна вежба „Евакуација и спасување на повредени и загрозени лица од пожар”. Активноста во чии рамки беше симулиран пожар во деветолетката ,,Дедо Иљо Малешевски" се реализираше во рамките на програмските активности на ТППЕ Берово.
-Тактичко показната вежба ја организираа Територијалната-противпожарна единица, во соработка со основното училиште ,,Дедо Иљо Малешевски" и тимот на ОВР Берово, Дирекција за заштита и спасување и тимот на итна медицинска помош. Симулирано е пожар, во една од просториите во училиштето и е симулирано дека еден ученик вдишал токсичен чад и при пребарување, лицето е пронајдено, безбедно е евакуирано и предадено на службите од итна медицинска помош, истакнаа од ТППЕ Берово.
Целта на тактичко-показната вежба, како што истакна ВД командирот на ТППЕ Берово, Сашко Руменовски, е децата и вработените во училиштето, да се запознаат како правилно да се евакуираат, при евентуална појава на елементарна непогода.
-Од големо значење, e увежбувањето на вработените и учениците за правилна постапка во услови на загрозеност. Ова е само пример, како треба да се постапува и да се содејствува со професионалните институции нa локалнo ниво, за итни интервенции во објекти, со приоритет, во случај на несреќи. Територијалната-противпожарна единица, често интервенира при пожари во затворен пожар и затоа ваквите вежби се од огромна полза, за унапредување на работата на единицата, рече Руменовски.
Активноста ја проследи и градоначалникот на Берово, Звонко Пекевски кој информираше дека Територијалната противпожарна едница во Берово брои 15 професионални пожарникари и сите тие како што додаде беа вклучени во реализацијата на денешната тактичко-показна вежба. вс/дма/
Фото: МИА