Атлетико планира да го продолжи договорот со Луис Суарез
- Раководството на шпанскиот фудбалски шампион, Атлетико Мадрид, се обидува да го продолжи договорот со Луис Суарез.
![Атлетико планира да го продолжи договорот со Луис Суарез](https://new.mia.mk/images/20221108003613_big_730x400_76.webp )
Мадрид, 3 август 2021 (МИА) – Раководството на шпанскиот фудбалски шампион, Атлетико Мадрид, се обидува да го продолжи договорот со Луис Суарез.
Според весникот „Марка“, мадридскиот клуб е уверен во голгетерските способности на 34-годишниот Уругваец и сака да го продолжи договорот со фудбалерот до 2023 година.
Суарез игра за Атлетико од летото 2020 година. Во сезоната 2020/21, напаѓачот одигра 38 натпревари за тимот, постигна 21 гол и три асистенции.
Актуелниот договор на играчот е со важност до крајот на јуни 2022 година. зс/