Артета за победата над Вулверхемптон: Многу добра реакција по елиминацијата од Лигата на шампионите
- Тренерот на Арсенал, Микел Артета ги искажа своите впечатоци за натпреварот од 34. коло на англискиот шампионат против Вулверхемптон (2:0).
![Артета за победата над Вулверхемптон: Многу добра реакција по елиминацијата од Лигата на шампионите](https://new.mia.mk/images/20240421104040_big_730x400_39.webp )
Лондон, 21 април 2024 (МИА) - Тренерот на Арсенал, Микел Артета ги искажа своите впечатоци за натпреварот од 34. коло на англискиот шампионат против Вулверхемптон (2:0).
- Многу добра реакција по елиминацијата од Лигата на шампионите, горд сум на тимот. Заслуживме да победиме на овој натпревар и повторно ја сочувавме мрежата. Секако дека сме разочарани од поразот од Баерн, решаваа детали, но ни претстојат уште пет натпревари во Премиер лигата и повторно сме на врвот на табелата. Дури и при 2:0 не можете да бидете сигурни во победата, „Вулверхемптон е добар тим, кој, откако направи некои промени, ни создаде проблеми, изјави Артета за „BBC Sport“.
Арсенал (74 поени) го престигна Манчестер Сити (73) и се искачи на првото место во Премиер лигата, но Граѓаните имаат натпревар помалку.
Вулверхемптон со 43 бода останува 11-ти во поредокот. зс/
Фото: ЕПА