Тирана, 5 февруари 2024 (МИА) - Полицијата во Тирана разбила криминална група, составена од косовски државјани, кои нелегално од Косово внесувале експлозив, оружје и муниција во Албанија.

- Запленети се 203 калапи тритол наменети за употреба на криминални групи во Албанија, кој го продавале по цена и до 5 илјади евра. Секој калап е тежок по 40 килограми. Исто така запленети се и  4 парчиња огнено оружје-пиштоли, три мобилни телефони и едно  возило, изјави Тонин Воцај, директор на полицијата во Тирана.

Според него уапсени се косовските државјани Ригон Малини, Лион Пира и Шкелќим Халабаку, жители на Гњилане, а по двајца се трага.

Додаде дека гриминалната група била следена подолг период а нејзина специјалност бил шверцот на оружје, муниција и експлозив-тритол.

Фото: МВР на Албанија