Охрид, 28 октомври 2024 (МИА) – Општинската организација на Црвениот крст од Охрид со свои активности се приклучува кон апелот за собирање средства за помош на настраданото население во Босна и Херцеговина во поплавите што однесоа преку 20 човечки животи, а илјадници луѓе останаа без покрив над главата.

Во соработка со Здружението на поети за возрасни и деца од Кладањ, Босна и Херцеговина, а со поддршка на Општина Охрид и Центарот за култура „Григор Прличев“ охридскиот Црвен крст организира хуманитарна театарска претстава, наменета за деца од прво до шесто одделение.

Актери од Босна и Херцеговина во на 1 ноември во Центарот за култура во Охрид ќе ја одиграат претставата „Светот на вљубената пчела“, а средствата собрани од продажбата на влезниците по цена од 150 денари, ќе бидат наменети за населението на реоните Јабланица и Коњиц што беа најпогодени со поплавите. аб/дма/

фото: плакат