Kiev, 26 nëntor 2024 (MIA) - Presidenti ukrainas Volodimir Zelenski sot deklaroi se Rusia ka mundur ta sulmojë Ukrainën me një numër rekord të dronëve vetëm për shkak se ka anashkaluar sanksionet.

 "Rusia mbrëmë e sulmoi Ukrainën, duke lëshuar një numër rekord të dronëve goditës - 188, drejt popullit tonë. Dua të falënderoj mbrojtësit tanë në qiell për zmbrapsjen e sulmit. Rreth 80 dronë u rrëzuan, ndërsa më shumë se 90 u humbën për shkak të çrreegullimit në lokacion. Fatkeqësisht, ka pasur dëmtime në infrastrukturën tonë kryesore", tha Zelenski, siç raportohet nga Interfaksi ukrainas.

 Presidenti ukrainas shtoi se në secilin prej 188 dronëve ka nga 85 komponentë të huaj.

 "Secili prej tyre përmban 85 komponentë të prodhimit të huaj, pothuajse 16.000 gjithsej, pa të cilët dronët nuk mund të lëshoheshin. Këto sulme janë të mundshme vetëm për shkak të aftësisë së Rusisë për të anashkaluar sanksionet përmes skemave të ndryshme", tha lideri ukrainas.

 Zelenski falënderoi "të gjithë në botë për bllokimin e dërgesave të tilla", por shtoi se nevojitet më shumë punë e përbashkët për të funksionuar sanksionet dhe për të detyruar Rusinë t'i japë fund kësaj lufte.

 "Nëse jeni kundër luftës, vërtet duhet të jeni kundër anashkalimit të sanksioneve nga Rusia", përfundoi Zelenski.

 Foto: EPA