Ќе се гради нов и модерен плоштад зад „Капитол Мол“ во Аеродром
- Наскоро почнуваат градежни активности за целосна реконструкција и модернизација на просторот зад „Капитол Мол“, локација што е една од најфреквентните во Општина Аеродром.
![Ќе се гради нов и модерен плоштад зад „Капитол Мол“ во Аеродром](https://new.mia.mk/images/20221114013517_big_730x400_68.webp )
Скопје, 26 октомври 2022 (МИА) - Наскоро почнуваат градежни активности за целосна реконструкција и модернизација на просторот зад „Капитол Мол“, локација што е една од најфреквентните во Општина Аеродром.
Просторот зад „Капитол Мол“, како што најавија од Општина Аеродром, ќе добие целосно нов и модерен изглед, со што жителите на Аеродром добиваат уште еден нов плоштад.
Реконструкцијата е целосно финансирана со средства од буџетот на Општина Аеродром, a проектот опфаќа хортикултурно и партерно уредување на целиот простор со вкупна површина од 5000 квадратни метри. Дополнително, во рамки на реконструкцијата старите и дотраени плочки ќе бидат заменети со нови гранитни плочи, а ќе бидат поставени нови современи канделабри, светла со димери, како и нови клупи, канти и друга урбана опрема.
- Инвестираме во модерна и убава општина. Се грижиме жителите на Аеродром да имаат соодветни места каде ќе го поминуваат своето слободно време. Продолжуваме да вложуваме во нови содржини и локации за најмладите, но и за возрасните. Сите тие заслужуваат уредени урбани локации кои урбанистички и хортикултурно ќе се вклопат во одржувањето на епитетот „најубава скопска општина“. Со ова реализираме уште еден важен и значаен проект, кој беше дел од моите ветувања, истакнал градоначалникот Тимчо Муцунски, се наведува во соопштението од Општина Аеродром. цр/са/
![viber_image_2022-10-26_10-52-18-097](/articles/images/%d1%9c%d0%b5-%d1%81%d0%b5-%d0%b3%d1%80%d0%b0%d0%b4%d0%b8-%d0%bd%d0%be%/bQrw1u5k4/placeholder.webp?use_watermark=0)
![thumbnail_viber_image_2022-10-26_10-52-19-086](/articles/images/%d1%9c%d0%b5-%d1%81%d0%b5-%d0%b3%d1%80%d0%b0%d0%b4%d0%b8-%d0%bd%d0%be%/nruY7PSru/placeholder.webp?use_watermark=0)