Џорџија, 10 декември 2023 (МИА) - Најмалку три лица загинаа во престрелка во американскиот град Атланта, а едно лице е рането за време на зделка со дрога, соопшти полицијата.

Полициската управа на Атланта соопшти дека полицајците одговориле на повикот во округот Бакхед вчеравечер и дека три жртви на возраст од 20 години биле прогласени за мртви на местото на настанот, додека четвртата била пренесена во болница, објавија американските медиуми.

Полицијата додаде дека повредениот бил свесен кога пристигнале медицинските екипи.

Одделот за убиства соопшти дека пукањето е поврзано со дилање дрога во згради во Бакхед.

-Ова не беше сценарио за инвазија на домот. Веруваме дека сторителите биле поканети внатре за да ја земат дрогата. Ова беше некаков вид размена на дрога внатре во зградата, изјави полицискиот мајор Питер Малецки.

Засега не е утврден идентитетот на жртвите и нема информации за осомничениот. мс/

фото: МИА архива