„Се викам Горан Стефановски“ на Драмски театар гостува на „Јоакимфест“ во Крагуевац
- Со претставата „My Name Is Goran Stefanovski“ („Се викам Горан Стефановски“), Драмски театар-Скопје утре ќе гостува на 17. Меѓународен фестивал „Јоакимфест“ во Крагуевац.
![„Се викам Горан Стефановски“ на Драмски театар гостува на „Јоакимфест“ во Крагуевац](https://new.mia.mk/images/20221114001520_big_730x400_52.webp )
Скопје, 10 октомври 2022 (МИА) - Со претставата „My Name Is Goran Stefanovski“ („Се викам Горан Стефановски“), Драмски театар-Скопје утре ќе гостува на 17. Меѓународен фестивал „Јоакимфест“ во Крагуевац.
Режисер на претставата е Бранислав Миќуновиќ, долгогодишен професор на Факултетот за драмски уметности во Белград и Цетиње, а драматург е Бранислава Илиќ, драмски писател и професор на Факултетот за драмски уметности во Белград.
Претставата е авторска адаптација од изборот на драми и монтажа на сцени од седум драми на Горан Стефановски: „Црна дупка“, „Лонг плеј“, „Сараево“, „Казабалкан“, „Хотел Европа“, „Euroalian“ и „Одисеј“..
Сценограф на претставата е Александар Дениќ, автор на музиката Влатко Стефановски. Во актерската екипа се: Биљана Драгиќевиќ-Пројковска, Јелена Жугиќ, Софија Куновска, Соња Стамболџиоска, Ана Димитрова, Мето Јовановски, Драган Спасов-Дац, Игор Ангелов, Златко Митрески, Стефан Вујисиќ, Дамјан Цветановски и Саша Димитриевска.
Годинашниот „Јоакимфест“ се одржува од 7 до 12 октомври под слоганот „Хармонија на различноста“. Учествуваат театри од Србија, Северна Македонија, Босна и Херцеговина и од Словенија. хс/са/
![ДТС претстава 2](/articles/images/%d1%81%d0%b5-%d0%b2%d0%b8%d0%ba%d0%b0%d0%bc-%d0%b3%d0%be%d1%80%d0%b0%d/HrfFPH8kP/placeholder.webp?use_watermark=0)
![ДТС претстава 2](/articles/images/%d1%81%d0%b5-%d0%b2%d0%b8%d0%ba%d0%b0%d0%bc-%d0%b3%d0%be%d1%80%d0%b0%d/tnyPhowGv/placeholder.webp?use_watermark=0)