Мадрид, 8 април 2024 (МИА) - Крилниот напаѓач на Реал Мадрид, Родриго ќе остане во клубот и покрај можниот трансфер на напаѓачот на ПСЖ, Килијан Мбапе, пренесува „Marca“.

Бразилецот јасно ставил до знаење дека сака да продолжи да игра за „кралскиот“ клуб и не се плаши од конкуренција.

Претходно беше објавено дека Мбапе ќе го напушти ПСЖ на крајот на тековната сезона и ќе се пресели во Реал Мадрид.

Оваа сезона 23-годишниот Родриго одигра 42 натпревари на кои постигна 15 голови и имаше седум асистенции. 

Порталот „Трансфермаркт“ ја проценува вредноста на крилниот напаѓач на 100 милиони евра. Договорот на играчот со Мадрид е до крајот на јуни 2028 година.

По 30 кола во шпанското првенство, Реал го зазема првото место со 75 бодови. Втора е Барселона со осум бода заостанување. зс/

Фото: ЕПА