Мадрид, 17 февруари 2020 (МИА) - Капитенот на Реал Мадрид, Серхио Рамос, беше стрелец на еден гол во ремито со Селта синоќа на „Сантијаго Бернабеу“. Мечот заврши 2:2, а Рамос погоди од пенал во 65. минута. Откако Кристијано Роналдо замина во Јувентус, Рамос имаше 12 успешни обиди од 12 удари од белата точка, девет во Ла Лига, два во купот и еден во шпанскиот Супер куп. Последен пат Рамос промаши пролетта 2018 година, кога Реал Мадрид загуби од Севилја (2:3). зс/