Бања Лука, 17 март 2025 (МИА) - Претседавачот на Организацијата за безбедност и соработка во Европа (ОБСЕ) и министер за надворешни работи на Финска, Елина Валтонен денеска ќе пристигне во дводневна посета на Босна и Херцеговина.

Најавено е дека Елина Валтонен со највисоките претставници во БиХ ќе разговара за безбедносните прашања во земјата и регионот.

Претседавачот на ОБСЕ, како што е најавено, предвидено е да се сретне со членовите на Претседателството на БиХ, министерот за надворешни работи Елмедин Конаковиќ, претставници на меѓународната заедница во БиХ, како и со претставници на граѓански организации.

Таа ќе го посети и кампот Бутмир, каде што е сместена командата на силите на ЕУФОР во БиХ. паг/

Фото: МИА архива