Јoханесбург, 15 август 2024 (МИА) - Јужноафриканското обвинителство ги повлече обвиненијата против 95 либиски државјани уапсени во јули во, како што соопшти тогаш полицијата, нелегален воен камп за обука со оружје, соопштија денеска официјални претставници.

Обвинетите рекоа дека во кампот биле на „обука за безбедност“, но Обвинителството смета дека нема доволно докази за да ги гони поради тоа.

Полицијата соопшти дека Либијците дошле во Јужна Африка со студентски визи, а единственото можно обвинение е за кршење на законите за имиграција, посочија од Обвинителството, но дури и тоа нема да биде бидејќи нивниот адвокат денеска им рече на новинарите дека очекува тие да бидат депортирани назад во Либија во следните 48 часа. рп/

Фото: МИА архива