Газа, 9 октомври 2023 (МИА) - Израелските воздушни напади и гранатирањата насочени кон домови и станбени згради раселија околу 123.538 Палестинци во Газа, според Агенцијата за хуманитарна помош на ОН.

Канцеларијата на ОН за координација на хуманитарни прашања, во својот најнов извештај соопшти дека многумина од оние кои беа принудени да ги напуштат своите домови се засолнети во околу 64 училишта во крајбрежната енклава.

Значајните објекти уништени во израелските напади вклучуваат четири големи згради со повеќе ката на станбени единици, се вели во извештајот, додавајќи дека вкупно се уништени 159 станбени единици, додека 1.210 претрпеле сериозна штета. мс/

фото: МИА архива