Скопје, 29 март 2024 (МИА) - Амбасадорот на Јапонија, Казуја Оцука денеска во НУЦК „Марко Цепенков“ – Прилеп ќе ја отвори изложбата „Јапонскиот лебдечки свет – УКИЈО-Е“, соопштија од Амбасадата на Јапонија во Република Северна Македонија. 

Изложбата е организирана од МузеумЛинк „Архифакт“ – Скопје, Музеј на град Скопје и ќе патува благодарение на поддршката на AOTS Македонија, ТЕП Раде Кончар и Амбасадата на Јапонија по повод 30 години од воспоставување на дипломатските односи. цр/са/

Фото: Амбасада на Јапонија