Париз, 16 јули 2021 (МИА) – Поради зголемување на бројот на заразени со Ковид-19 во францускиот департман Ориентални Пиренеи повторно ќе биде задолжително носењето маска на јавните простори, освен на плажа и во големи природни простори. Задолжителното носење на маска почнува од утре и мерката ќе биде во сила до 2 август, јави дописникот на МИА.

Покрај задолжителното носење на маска, исто така, забранета е потрошувачка на алкохолни пијалоци на јавни места и јавни простори надвор од ресторани и барови, се наведува во соопштението на префектурата.

Префектот Етјен Стоскоф ги донесе овие две одлуки со цел да го спречи ширењето на Ковид-19, особено на делта сојот. тг/ми/