Македонско финале на 52. Меѓународен ракометен турнир во Струга
- Македонскиот првак Еурофарм Пелистер синоќа убедливо го совлада грчки ПАОК до 36:20 (19:06) на 52. издание на Меѓународниот ракометен турнир во Струга.
![Македонско финале на 52. Меѓународен ракометен турнир во Струга](https://new.mia.mk/images/20240817074337_big_730x400_75.webp )
Струга, 17 август 2024 (МИА) - Македонскиот првак Еурофарм Пелистер синоќа убедливо го совлада грчки ПАОК до 36:20 (19:06) на 52. издание на Меѓународниот ракометен турнир во Струга.
Битолчани со победата си резервираа место во денешното финалето против најтрофејниот на турнирот, со 14 титули - Вардар, и можност да се израмнат по бројот на пехари на струшкиот турнир.
Еурофарм Пелистер ја имаше контролата на мечот од почеток и во ниту еден момент не дозволи да се загрози водството.
Најефикасен на натпреварот беше српскиот интернационалец Вук Радивојевиќ со 9 погодоци.
Во борбата за третото место вечер ќе се сретнат поразените од синоќешните натпревари ПАОК и Ескилстуна Гуиф во 18:30 часот, додека финалето е резервирано за 20:30 часот. Последниот ден на турнирот ќе го отворат домаќините и ракометарите на Тиквеш во борбата за петтото место. сс/зс/
Фото: Меѓународен ракометен турнир Струга