Киев, 19 март 2025 (МИА) - Русија ноќеска истрела шест ракети и 145 борбени дронови врз Украина, објави украинската војска, еден ден по постигнувањето на договор меѓу Москва и Вашингтон за ограничено примирје.

Украинската противвоздушна одбрана успеала да собори 72 дрона, додека 57 од нив „исчезнале“ без да нанесат штета, соопштија вооружените сили на Украина, наведувајќи дека ниту една ракета не била пресретната.

Белата куќа соопшти дека по телефонскиот разговор меѓу американскиот претседател Доналд Трамп и рускиот лидер Владимир Путин, тие постигнале договор за 30-дневен прекин на нападите врз украинската енергетска инфраструктура и веднаш да започнат преговори за крај на конфликтот.

Сепак, новите руски удари во текот на ноќта сугерираат дека Москва не се откажала од офанзивата, а Киев предупредува дека примирјето можеби нема да доведе до реална деескалација на судирот. ссм/

фото: архива