Компјутерските хакери и гикови од регионот на антиконференција во Охрид
- Компјутерски хакери, гикови, ентузијасти за технологија, членови на хаклабите од регионот и пошироко по неколкугодишна пауза в недела во Охрид ќе го одржат својот неформален собир, жаргонски наречен „Ништо нема да се случи“
![Компјутерските хакери и гикови од регионот на антиконференција во Охрид](https://new.mia.mk/images/20230822164727_big_730x400_86.webp )
Охрид, 22 август 2023 (МИА) – Компјутерски хакери, гикови, ентузијасти за технологија, членови на хаклабите од регионот и пошироко по неколкугодишна пауза в недела во Охрид ќе го одржат својот неформален собир, жаргонски наречен „Ништо нема да се случи“ .
Настанот што е замислен како неконференција (анти-конференција), се одржува без претходно утврдена програмa. Истата се дефинира на лице место, а најчесто содржи работилници, предавања поврзани со слободниот софтвер/слободната култура, демонстрација на (софтверски) алатки, библиотеки или сопствени проекти и дискусии на теми поврзани со технологија или на релацијата технологија – општество.
Содржините на антиконференција се забавни, неформални, отворени за сите ентузијасти и бесплатни.
Настанот ќе се одржи од 12 часот во Касарна Хаб во Охрид, а програмата и содржините ќе бидат договорени дополнително. аб/са/
Фото: МИА