ЕВРО2024: Англија со гол во судиското продолжение обезбеди финале
- Англија е вториот финалист на Европското фудбалско првенство, откако вечерва во Дортмунд ја совлада Холандија со 2-1 (1-1) и в недела во битка за титулата ќе игра против Шпанија.
![ЕВРО2024: Англија со гол во судиското продолжение обезбеди финале](https://new.mia.mk/images/20240710230249_big_730x400_35.webp )
Дортмунд, 10 јули 2024 (МИА) – Англија е вториот финалист на Европското фудбалско првенство, откако вечерва во Дортмунд ја совлада Холандија со 2-1 (1-1) и в недела во битка за титулата ќе игра против Шпанија.
Англичаните го обезбедија пласманот во финалето со пресврт и гол во самиот финиш на натпреварот во Дортмунд.
Холандија дојде во рано водство со голот на Симонс во 7 минута, а Кејн го израмни резултатот во 18 минута од пенал.
Кога се очекуваше регуларниот дел од второто полуфинале да заврши без победник, Воткинс во првата минута од судиското продолжение ѝ донесе победа на Англија и пласман во финалето.
Натпреварот за титулата на ЕВРО2024 меѓу Шпанија и Англија ќе се игра в недела на Олимпискиот стадион во Берлин со почеток во 21 часот. ег ФОТО: УЕФАЕВРО2024