Тетово, 22 април 2024 (МИА) - Меѓународниот ден на планетата Земја 22 април во Тетово на градскиот плоштад го одбележаа децата кои посетуваат градинка. Тие дојдоа со разни маски и костими изработени од потрошен материјал.

Неколку стотини деца изминатата цела недела заедно со родителите, воспитувачките и негувателките заедно работеле разни костими по своја волја и креативност.

- Имаме разни активности со сите деца од градинката, а денес поголемите деца се тука на плоштадот да покажат дека научиле да селектираат отпадоци и да прават разни костими. Во изработката им помогна персоналот од градинките и родителите. Сакаме да дадеме силна порака дека отпадот не е ѓубре, туку треба да се селектира и да се рециклира, да ја сакаме и да чуваме нашата планета, изјави Фатлинда Јаја, директорка на Јавна установа детска градинка „Младост“-Тетово.

Активноста по повод Денот на планетата Земја на градинките ја проследи и градоначалникот Биљал Касами.

- Пораката од овој настан е да не биде вака само на овој ден, туку 365 дена да се грижиме за околината и планетата. Да, внимаваме како ги користиме материјалите од пакувања од секојдневна потрошувачка. Да не се гледаат како отпадоци туку да се користат со понатамошно рециклирање и користење на истите. Видовме дека од такви материјалите изработија убави модели и дизајни, покажаа креативност. Заедно работиме со сите генерации да направиме почисти и поубав град, изјави Биљал Касами, градоначалник на Тетово.ас/ир

Фото: МИА