Во Црна Гора ќе се градат седум хотели во вредност од 190 милиони евра
Подгорица, 18 јули 2020 (МИА) - Пет хотели во вредност од над 75 милиони евра ќе бидат изградени во северниот дел на Црна Гора, а уште два на приморјето.
Владата на Црна Гора досега вклучи седум проекти во списокот на развојни проекти од областа на туризмот, а првпат инвеститорите го препознаа потенцијалот на северот.
Вкупната вредност на седумте проекти надминува 190 милиони евра.
Хотелите ќе имаат вкупно 959 сместувачки единици, со што понудата на хотелско сместување од висока категорија ќе се зголеми повеќе од двојно.
„Со оглед на тоа што овие проекти ќе создадат можност за отворање 769 нови работни места, може да се констатира дека изразениот интерес досега го потврдува нашето очекување дека оваа програма ќе биде значаен поттик за целокупниот развој на Црна Гора, со акцент на развојот на помалку развиените локални самоуправи и нови вработувања“, се наведува во соопштението од Министерството за одржлив развој и туризам. паг/
