• сабота, 04 мај 2024

Во Струмичкиот театар утре премиера на претставата „Петок 13-ти“

Во Струмичкиот театар утре премиера на претставата „Петок 13-ти“

Струмица, 16 февруари 2024 (МИА) - Народниот театар „Антон Панов“ утревечер премиерно ќе ја изведе претставата „Петок 13-ти“ од Жан Пјер Мартинез во режија на Никола Ристов.

Според режисерот, оваа комедија е приказна за една необична и неверојатна вечер во која се судираат среќата и несреќата, љубовта и омразата, пријателството и неверството.

-Приказна исполнета со контрасти, која се занимава со прашањата за значењето на среќата, парите, љубовта, пријателството и моралот. Приказна која покажува дека животот е непредвидлив и дека се може да се промени во еден миг. Иако навистина делува неверојатно, јас ја гледам претставата како вистинска рефлексија на секојдневниот живот на обичниот човек, вели режисерот Ристов.

Сценографија и плакатот се на Филип Коруновски, костимографијата е на Ванчо Василев, а во претставата играат актерите Стојан Велков-Трн, Анкица Бенинова, Јасмина Вучкова и Ванчо Василев.

Како што информираат од Струмичиот театар, билетите за премиерата се продадени, а првата реприза е закажана за в понеделник. рт/мд/

Фото: НТ „Антон Панов“ Струмица

Остани поврзан