Дебар, 24 август 2022 (МИА) - Во дебарската гимназија „28 Ноември“ во двата уписни рока, во прва година, запишани се 166 ученици, што е 61 отсто од предвидената квота со Конкурсот на министертвото за образование и наука. 

-Во прва година за новата 2022/23 учебна година, во прва година можност за упис имаа 272 завршени основци, во осум паралелеки, три со настава на македонски и пет на албански наставен јазик. Во двата уписни рока запишани се 166 ученици што е 61 отсто од предвиената квота, изјави за МИА, директорот Рамадан Имери.  

Гледано по наставен јазик, на македонски предвидено било да се запишат 102 ученика, а пополнети се 46, додека на албански наставен јазик, од предвидените 170 пополнети се 120 ученички места. 

Главна прчина за се помалиот број ученици години на ред е масовната миграција, а тука секако и определбата на дел од завршените основци школувањето да го продолжат во некое средно стручно училиште во земјава. вт/сст/