Исламабад, 9 мај 2024 (МИА) – Вооружени напаѓачи во југозападен Пакистан егзекутираа најмалку седум лица додека спиеле, што според полицијата е втор инцидент на етнички тероризам во истиот регион во рок од еден месец.

Нападот се случил во нестабилниот крајбрежен град Гвадар, каде што политичкиот сојузник на Пакистан, Кина, гради пристаниште на длабоко море, проект на кој се противат и Западот и локалното население.

Како што пренесе ДПА, жртвите биле од централната провинција Пенџаб и воделе берберница во градот, изјави началникот на локалната полиција Мохсин Али.

Ова е втор инцидент за околу три недели насочен против луѓе од Пенџаб во провинцијата Белуџистан, населена со милитанти. Минатиот месец милитанти симнаа девет патници во автобус и ги убија со пукање во стил на егзекуција.

Ослободителната војска на Белуџистан (БЛА), националистичка милитантна група која се противи на кинеските инвестиции во покраината, ја презеде одговорноста за претходниот напад, велејќи дека цел биле „агенти на шпионските агенции“.

Засега никој нема преземено одговорност за денешниот напад. јт/

Фото: ЕПА архива