Софија, 2 август 2024 (МИА/БТА) - Претседателот на Бугарија Румен Радев ја поздрави својата колешка Гордана Силјановска-Давкова и граѓаните на Република Северна Македонија по повод празникот на земјата Илинден – Денот на Републиката, соопштија од прес-службата на претседателот.

Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.

Саможртвата на хероите од Илинденско-Преображенското востание ја носи меморијата низ времето, која засекогаш ќе ги поврзува Бугарија и Република Северна Македонија и нивните граѓани. Како наследници на нашите предци, имаме одговорност и историска должност да ги следиме и зачуваме достоинствените завети од нашето минато во името на нашата заедничка европска иднина, изјави Румен Радев.

Бугарскиот претседател истакнува дека 2 август останува славен датум за нашата заедничка историја, заедно со настаните поврзани со Илинденско-Преображенското востание, кои се повод за гордост и почит кон храброста и посветеноста на нашите предци во името на нивните стремежи кон слобода, еднаквост и правда. „Високите идеали на востанието денес стојат во основата на вредностите на обединета Европа“, забележува Румен Радев.

Радев изјавува дека нашата заедничка европска иднина бара потребна волја и искрен пристап во спроведувањето на Договорот за пријателство, добрососедство и соработка од 2017 година и реализирање на сите преземени обврски. „Република Бугарија останува решена да работи за изградба на добрососедски односи со Република Северна Македонија и да пружа потребна поддршка за исполнување на договорените критериуми за членство во ЕУ“, истакнува претседателот во честитката.

Привремениот премиер и привремениот министер за надворешни работи Димитар Главчев исто така упати честитки до Република Северна Македонија по повод државниот празник на земјата - 2 август. За ова соопштија од Министерството за надворешни работи (МНР) на својата официјална страница на Фејсбук.

Димитар Главчев акцентира на нашето заедничко минато и оддаде почит кон хероите кои го жртвувале својот живот во името на идните генерации, како и го сподели желбата за утврдување на добрососедски односи со јасна свест за придобивките од изградбата на заедничка иднина во рамките на Европската унија, се наведува во неговата честитка.

Главчев ја потврди и подготвеноста на Бугарија да продолжи да пружа поддршка во напорите на Северна Македонија, насочени кон исполнување на критериумите за членство во Европската унија (ЕУ). Исто така, привремениот премиер и привремениот министер за надворешни работи изјави дека „со храбри и решителни чекори за спроведување на постигнатите договори, Република Северна Македонија со брзо темпо би можела да го заземе своето место во нашето европско семејство“.

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.