Bratisllavë, 19 mars 2026 (MIA) - Kryeministri i Çekisë, Andrej Babish i drejtoi një kritikë të pazakontë të ashpër Izraelit, duke e quajtur sulmin ndaj fushës iraniane të gazit "Parsi jugor" një veprim "të pakuptueshëm" që shkaktoi kaos në tregjet botërore të energjisë.

Duke folur në Samitin e BE-së në Bruksel, 71-vjeçari Babish theksoi se ky sulm shkaktoi një rritje të ndjeshme të çmimeve të gazit, duke shuar shpresat se shpenzimez e energjisë në vendin e tij kishin arritur tashmë kulmin. "Kjo gjë i shkatërroi plotësisht tregjet, çmimi i gazit shpërtheu#, deklaroi lideri i partisë së djathtë-populiste ANO, duke nënvizuar se situata tani ka ndryshuar tërësisht në dëm të konsumatorëve.

Ky qëndrim i Babishit konsiderohet i papritur, duke pasur parasysh se Republika e Çekisë tradicionalisht konsiderohet një nga aleatët më të afërt të Izraelit brenda Bashkimit Evropian. qa/

Foto: EPA