• недела, 16 јуни 2024

Ѓукановиќ му ја честиташе победата на Милатовиќ и порача дека вистинските избори допрва доаѓаат

Ѓукановиќ му ја честиташе победата на Милатовиќ и порача дека вистинските избори допрва доаѓаат

Подгорица, 2 април 2023 (МИА) – Досегашниот претседател на Црна Гора,Мило Ѓукановиќ, вечерва и се обрати на јавноста од изборниот штаб на Демократската партија на социјалистите (ДПС) и притоа го призна изборниот пораз од заменик претседателот на Движењето Европа сега (ПЕС) Јаков Милатовиќ.

-Го почитувам тој избор, му честитам на Милатовиќ. Му посакувам да биде успешен претседател, бидејќи ако е, Црна Гора ќе се движи во вистинската насока, рече Ѓукановиќ и им се заблагодари на поддржувачите кои му ја дадоа довербата.

„Сакам да им се заблагодарам на сите граѓани кои ми дадоа доверба. Некогаш тие гласови беа доволни за мнозинството, во овој момент не се, но се вредни како планина. Горд сум на огромната поддршка во областите каде мнозинството се припадници на малцинските народи“, рече Ѓукановиќ.

Тој додаде дека е важно Црна Гора да има избори на 11 јуни

-Се што се случува деновиве потврдува дека, за жал, Црна Гора нема влада, дека има погрешни институции, што се покажа и во овој изборен процес. Многу е важно по 11 јуни Црна Гора да добие влада која одговорно ќе ја води кон европската цел, кажа Ѓукановиќ. сд/

Остани поврзан