Белград, 2 јули 2024 (МИА) – Американскиот амбасадор во Белград, Кристофер Хил, изјави дека ЕУ се обидува да помогне во нормализирање на односите меѓу Белград и Приштина и дека САД помагаат во тој процес бидејќи.

„Ако нема нормализација, тоа значи нестабилност, тоа значи проблеми. И додека Европејците сакаат да ја видат Србија меѓу нив, во нивните структури, тие сакаат Србија да ги реши или барем да ги реши нејзините проблеми пред да влезе во ЕУ“, нагласи Хил во интервју во пресрет на Денот на американската независност за магазинот „Diplomacy & Commerce“.

На изјавата дека неговите ставови понекогаш се разликуваат од ставовите на одредени европски функционери и политичари за потенцијалното српско признавање на Косово, како последен чекор на патот на Србија кон ЕУ, Хил посочи дека она што Европејците го прават на тој план, го прават правилно, а тоа е да се обидат да ги нормализираат односите меѓу Белград и Приштина.

„Тоа, пред се, значи намалување на тензиите, но особено значи и идеја за меѓусебна соработка за прашањата. Значи, нормализацијата е она што го бара ЕУ. Гледајќи понатаму, мислам дека е важно да се разбере дека ако можете да имате, како што го нарекуваат Европејците, „нормализација“ што е фундаментална, широка и правно обврзувачка, можете да изградите многу силна платформа на која ќе изградите други работи“, нагласи Хил.зш/