Парма, 25 август 2024 (МИА) - Тренерот на Милан, Пауло Фонсека го критикуваше својот тим по вчерашниот пораз од Парма (1:2) во 2. коло од Серија А.

- Тешко е да се разбере настапот на Милан со оглед на тоа што добро се подготвивме. Ја преземам одговорноста и не сакам да се кријам од тоа. Сепак, јасно ми е дека има колективен проблем кога се работи за дефанзивност и агресија. Овој тим има проблеми. Кога се вративме на позициите бевме пасивни. Има многу работи. Според мене, тоа се проблеми со ставот, енергијата и желбата да се браниме како тим, изјави Фонсека за „Football Italia“.

Милан во две кола освои само еден бод и се наоѓа на 15. место во Серија А. На 31 август екипата ќе игра против Лацио. зс/

Фото: ЕПА