Скопје, 27 февруари 2025 

Вицепремиерот на Северна Македонија задолжен за политики на добро владеење, Арбен Фетаи, вчера одржа предавање на Université libre de Bruxelles (ULB), на Факултетот за политички науки, на тема „Патот на Северна Македонија кон Европската унија“.

За време на предавањето, тој имаше можност да дискутира со студентите на мастер студии по политички науки, кои поставија многу интересни прашања и отворија една богата дебата за предизвиците и перспективите на европската интеграција на Северна Македонија и Западен Балкан.

Факултетот за политички науки на УЛБ е втор најдобар во франкофонскиот свет и меѓу најдобрите во Европа, факт кој се одрази и во квалитетот на анализите и високото ниво на дискусиите на студентите.

Вицепремиерот Фетаи ги изрази своите благодарности кон професорот Jean-Michel De Waele за поканата и за можноста да ја сподели визијата на владата за европската иднина на Северна Македонија. „Такви дебати се од исклучителна важност за да на идните генерации, кои ќе носат одлуки, да им се појасни повеќе за регионот и нашата земја, зголемувајќи ја поддршката за проширувањето на ЕУ – напор кој треба да го интензивираме уште повеќе“, истакна Фетаи.

Кабинетот на ЗПВРСМ задолжен за добор владеење

__________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.