Украина соборила 17, а Русија 117 дронови
- Украина синоќа соборила 17 од вкупно 23 беспилотни летала истрелани од Русија. Руските сили истрелале и две наведувачки ракети Х-59/69
![Украина соборила 17, а Русија 117 дронови](https://new.mia.mk/images/20240814094637_big_730x400_59.webp )
Киев, 14 август 2024 (МИА) – Украина синоќа соборила 17 од вкупно 23 беспилотни летала истрелани од Русија. Руските сили истрелале и две наведувачки ракети Х-59/69.
Руските дронови предизвикале штета на инфраструктурата во Черниговската и Житомирската област.
Во меѓувреме, Русија соопшти дека синоќа соборила 117 украински дронови и четири тактички ракети истрелани од Украина.
Ракетите и 37 беспилотни летала биле уништени над Курската област, а исто толкав број дронови се соборени над Воронежката област.
И во Русија, како и во Украина нема пријавено човечки жртви. ми/
фото: МИА архива