Скопје, 21 октомври 2024 (МИА) - Полициски службеници од Полициското одделение Чегране вчера во  20.45 часот во гостиварското село Чегране го привеле А.Х.(40) од Гостивар.

Како што соопшти МВР, тој бил баран по потерница врз основа на судска наредба за издржување затворска казна од една година за сторено кривично дело „предизвикување општа опасност“.

-Тој бил спроведен во Казнено-поправната установа Затвор Идризово за издржување на казната, информира Министерството за внатрешни работи. хс/са/

Фото: МИА архива