Приведени две лица за изнуда, од струмичанец земале околу 20.000 евра
- Полицијата по преземени мерки и активности ги лиши од слобода И.Ј.(40) од Струмица и Ф.С.(36) од Скопје поради постоење основи на сомнение за сторено кривично дело „изнуда“.
![Приведени две лица за изнуда, од струмичанец земале околу 20.000 евра](https://new.mia.mk/images/20221113195036_big_730x400_57.webp )
Скопје, 12 август 2022 (МИА) - Полицијата по преземени мерки и активности ги лиши од слобода И.Ј.(40) од Струмица и Ф.С.(36) од Скопје поради постоење основи на сомнение за сторено кривично дело „изнуда“.
Како што соопшти денеска МВР, на 9 август 2022 година А.Т. од Струмица пријавил дека во изминатата година осомничените И.Ј. и Ф.С. во повеќе наврати со вербални закани и со закана со пиштол од него успеале да изнудат околу 20.000 евра.
Од страна на СВР Струмица до ОЈО Струмица против двете лица е поднесена кривична пријава. мд/лв/