Почна реконструкција на водоводна мрежа на „Славиша Вајнер“ во Куманово
- Почна реконструкција на водоводната мрежа на улицата „Славиша Вајнер“ во Куманово, соопштија денеска од Одделението за комунални дејности. Реконструкцијата на водоводната мрежа е дел од овогодишната програма за изградба, одржување и реконструкција на водоводна мрежа на општината.
![Почна реконструкција на водоводна мрежа на „Славиша Вајнер“ во Куманово](https://new.mia.mk/images/20230719143631_big_730x400_61.webp )
Куманово, 19 јули 2023 (МИА) - Почна реконструкција на водоводната мрежа на улицата „Славиша Вајнер“ во Куманово, соопштија денеска од Одделението за комунални дејности. Реконструкцијата на водоводната мрежа е дел од овогодишната програма за изградба, одржување и реконструкција на водоводна мрежа на општината.
- Мрежата беше дотраена, изградена е во шеесеттите години од минатиот век. Со реконструкцијата очекуваме да се намалат дефектите на водоводната мрежа кои беа чести за овој дел од градот, изјави помошникот-раководител на Одделението, Момчило Јовановски.
За реконструкцијата на мрежата општината одвои скоро милион денари со вклучен данок на додадена вредност. Градежните работи ги изведува скопската фирма „Билд инг“.
- Поради портокаловата фаза работниците се повлекуваат во најтоплиот период од денот, кажа Јовановски. ам/дма/
Фото: ФБ Максим Димитриевски