Лондон, 10 март 2024 (МИА) – Тренерот на Челзи, Маурицио Покетино изјави дека ја откажал вечерата со сопругата по ремито 2:2 со Брентфорд.

- Во саботата, по натпреварот со Брентфорд, ждрепката се чувствував како да сме загубиле. Ова ја вознемири мојата сопруга затоа што ја откажав нашата вечера. Реков дека немам желба да одам на вечера и сакам да останам дома. Имав среќа затоа што тогаш мојот тренерски штаб беше со мене. Денот го завршивме гледајќи го натпреварот Реал Мадрид - Валенсија и испивме повеќе вино, но ништо интересно. Само што гледавме повеќе фудбал. Ги гледам сите натпревари во последните неколку дена. Не само Лигата на шампионите и Премиер лигата. Гледав и азиска Лига на шампиони, Ал-Хилал - Ал-Итихад, Ал-Аин - Ал-Наср. Гледав различни натпревари. Мојата сопруга е незадоволна од мене, но добро знае дека расположението не ми е многу добро. Кога расположението не е многу добро, на семејството му е тешко. Одговорноста е да победиме и да им дадеме добри чувства на навивачите. Се чувствувате одговорни кога работите не одат добро, изјави Покетино.

Челзи се наоѓа на 11. место во англиското фудбалско првенство со 36 освоени бодови од 26  натпревари. зс/

Фото: ЕПА