Пожарникари од Струмица, Валандово, Гевгелија и Радовиш на Божиќен турнир во мал фудбал и пинг-понг
- Пожарникари од Струмица, Валандово, Гевгелија и Радовиш денеска во Валандово учествуваа на Божиќен турнир во мал фудбал и пинг-понг. Турнирот се одржува втора година по ред, а годинава домаќини беа пожарникарите од Валандово.
Струмица, 11 јануари 2024 (МИА) - Пожарникари од Струмица, Валандово, Гевгелија и Радовиш денеска во Валандово учествуваа на Божиќен турнир во мал фудбал и пинг-понг.
Турнирот се одржува втора година по ред, а годинава домаќини беа пожарникарите од Валандово.
Турнирот за прв пат беше одржан лани во Струмица на иницијатива на ТППЕ Струмица и полека прераснува во традиционален.
Како што информираа од ТППЕ Струмица, преку вакви спортски средби пожарникарите разменуваат искуства како на спортски, така и на професионален план. рт/сст/
Фото: ТППЕ Струмица