Лондон, 2 јули 2024 (МИА) – Фудбалерот од средниот ред на Јувентус, Пол Погба даде изјава за својата иднина.

- Сè уште сум фудбалер. Не обрнувајте внимание на луѓето кои велат дека сум се пензионирал. Тренирам напорно и сè уште сум 100 проценти фудбалер. Едвај чекам да се вратам на теренот, изјави Погба за „Sky Sport“.

На 29 февруари се дозна дека 31-годишниот Французин е дисквалификуван на четири години поради кршење на антидопинг правилата.

На 11 септември 2023 година се појави информација дека допинг тестот на Погба по натпреварот со Удинезе (3:0) во 1. коло од Серија А е позитивен. Во телото на играчот од средниот ред беше откриено зголемено ниво на тестостерон. Повторениот допинг тест исто така даде позитивен резултат.

Погба има договор со Јувентус до летото 2026 година. зс/

Фото: ЕПА